»Platt för hüüt un morgen«
23879 Mölln
23879 Mölln
KulturSommer am Kanal 2023
De plattdüütsche Welt is bunt un hett vele Gesichters. En poor dorvun wüllt wi ju an düsse Dag wiesen. Loosgahn deit dat mit uns traditschonelle Autorenlesen, to de Schrieverslüüd ut ganz Noorddüütschland ehr Gedichten un Geschichten in meist all plattdüütsche Dialekten to’n Klingen bringen. Namiddags 15.00 Uhr is denn de Tüdelband ut Hamborg an de Reeg. De beiden jungen Musikers maakt Platt-Pop vun’t Feinste, gode Musik un Texten mit Hand un Foot hebbt de Band to en Institutschoon maakt, de wiet över de Grenzen vun de plattdüütsche Szene bekannt is.
Na dat Kunzert laat wi den Dag kommodig an’t Water bi Lagerfüer, Stockbroot un Geschichten utklingen.
En Veranstalten vun dat Zentrum för Nedderdüütsch in Holsteen un de Stiften Hartogdoom Loonborg.
http://www.kulturportal-herzogtum.de http://www.stiftung-herzogtum.de http://www.niederdeutschzentrum.de
http://www.kultursommer-am-kanal.de
